SVI

Soura de nos
Carateristica dl SVI
Ativité dl SVI
Publicazions
Storia dl SVI
Strutura dl SVI
Curricula
Per contaté l SVI
Impressum

Curricula


Picture of Prof. PanChristoph Pan, nasciù dl 1938 a Bulsan/Südtirol. Maturité svizera dl 1957 a Sarnen (Cianton Obwalden/CH), stude dles scienzes economiches y soziales a Fribourg/CH y Dispruch/A. Abilitazion universitara te soziologia politica a Dispruch dl 1971, nomina a tit.ao. Univ. Prof. dl 1980. Dozent tles universités de Dispruch (1971-2000) y Salzburg (1974-1979).
Diretour dl Istitut Sudtiroleis di Grups Etnics a Bulsan dal 1961-2013. Enrescides sun les condizions economiches y soziales dl Südtirol. Consiadour de deplù assessours dl govern provinzial dl Südtirol te chestions economiches, soziales y dl svilup dl teritore. Coordinazion dla comiscion südtiroleisa de partenariat sozial dal 1980-1995.
Ativités de volontariat desvalives tl setour dl svilup sozial, formatif y cultural dl Südtirol tl temp de transizion dal prum al secont Statut de autonomia.
Atif te deplù NGOs internazionales: International Progress Organization (IPO) a Viena; Union Federalista di Grups etnics dl’Europa/Föderalistische Union Europäischer Volksgruppen (FUEV) – de chela che al é ence sté president ti agn 1994-1996; Sozieté per la promozion dles mendranzes nazonales tl’Europa/Society of the Enhancement of National Communities in Europe (SENCE) a Turic (president onorar dal 2004 inant). Sciche espert de mendranzes àl fat l consulent te passa 30 stac europeics (dal 1990 inant passa 250 conferenzes) y per la UNO, la OSZE, l Consei dl’Europa y l Parlament Europeich.

Setours de ativité plu emportanc: enrescida tl ciamp dla democrazia, di conflic y di grups etnics. N gran numer de publicazions, dantaldut dal pont de veduda dla componenta etnica de conflic regionai y souraregionai. Adum con Felix Ermacora autour dl Projet de convenzion de Bulsan. Adum con Beate Sibylle Pfeil autour dl Manual dles mendranzes europeiches/Handbuch der europäischen Volksgruppen vol. 1: Les mendranzes tl’Europa/Die Volksgruppen in Europa (2000), vol. 2: I derc dles mendranzes tl’Europa/Minderheitenrechte in Europa (2002 y 20062) y coeditour dl vol. 3: Sun la genesa tla sconanza dles mendranzes moderna tl’Europa/Zur Entstehung des modernen Minderheitenschutzes in Europa (2006). Coeditour dla seria: Ethnos (1992-2006) y dles revistes spezialisedes:
•    Europa Ethnica, Wien /A (1996-2006),
•    Altera, Târgu Mureş/ Marosvásárhely /Neumarkt am Mieresch, RO;
•    Europäisches Journal für Minderheitenfragen (Viena-New York).

Pesć y reconescimenc:
•    Pest Bethlen Gabor (1995),
•    Pest per les Mendranzes dla Ungaria (1995),
•    Crousc d’onour de Pruma classa per la scienza y l’ert dl‘Austria (2004),
•    Pest europeich Karl SL (2004),
•    Crousc d’ofizier al merit dla Ungaria (2010).
•    Ehrenzeichen dl Land Tirol (2015).

Beate Sibylle Pfeil, nasciuda dl 1967 a Stuttgart. Stude dla Giurisprudenza tl’Université de Heidelberg, dl 1993 prum Ejam de Stat. Dl 1995 secont Ejam de Stat a Freiburg i.Br. (abilitazion da ester vicare aldò dl dert todesch). Dl 2002 dotorat tl’Univervité de Dispruch con na tesa comparativa sun l dert dles mendranzes europeich.

Dal 1996 inant colaboreiela con l SVI, de chel che ala é vizediretoura dal 1999 inant. Deplù servisc de consulenza per NGOs internazionales. Dal 2004 inant éla Permanent Invitee a les sentedes dl Intergrup per les mendranzes storiches, les comunités nazionales y i lingac dl Parlament Europeich y dal 2004 éla member dl diretif dla Sozieté per la promozion dles mendranzes nazonales tl’Europa/Society for the Enhancement of National Communities in Europe (SENCE) a Turic.

Setours de enrescida plu emportanc: derc de mendranza individuai y coletifs, terminologia tl ciamp dles mendranzes, lingac de mendranza, svilups dl dert dles mendranzes a livel nazional, europeich y internazional. Ala à publiché cotanc de articui scientifics y tegnù conferenzes te trueps stac europeics. Adum con Christoph Pan éla autoura dl Manual dles mendranzes europeiches/Handbuch der europäischen Volksgruppen vol. 1: Les mendranzes tl’Europa/Die Volksgruppen in Europa (2000), vol. 2: I derc dles mendranzes tl’Europa/Minderheitenrechte in Europa (2002 y 20062) y coeditoura dl vol. 3: Sun la genesa tla sconanza dles mendranzes moderna tl’Europa/Zur Entstehung des modernen Minderheitenschutzes in Europa (2006).

Dal 2002 al 2007 éla steda diretoura editoriala dla revista scientifica Europa Ethnica (ciasa editoura Braumüller, Viena); dal 2008 inant l éla dla revista Europäisches Journal für Minderheitenfragen EJM (tl prum ciasa editoura Springer, Viena/New York, dal 2012 inant ciasa editoura Österreich, Viena).

Luis Thomas Prader, nasciù dl 1937 a Persenon. Al à frecuenté les scoles magistrales y é sté maester tla scola elementara de Aldein dal 1957 al 1975. Dal 1976 inant él sté diretour di raions scolastics de Bornech, spo de Ora y a la fin de Laives. Sciche member dla scola todescia dl Südtirol él vegnù lité dl 1982 adum con n raprejentant dla mendranza franzeja dla Val d’Aosta y un dles scoles slovenes dl Friul tl Consei scolastich nazional pro l Ministere dla Istruzion a Roma.

Al colaboreia con l Ofize euroepich dl lingac manco adorés (EBLUL) y é vizepresident dl Comité nazional federatif per les mendranzes linguistiches dla Talia (CONFEMILI). Tl 2002 él pro i fondadours dl Comité unitar dles isoles linguistiches todesces storiches tla Talia y da dailò inant él tres sté si secreter.

Al fej pert dl Curatorium di Istitut internazional per l dert dles nazionalités y regionalism/Internationales Institut für Nationalitätenrecht und Regionalismus (INTERREG) de Minca. Dal 2005 inant reprejenteiel l Comité dles isoles linguistiches todesces tl Consei dl SVI.

Al à publiché articui y tegnù conferenzes soura tematiches che reverda les isoles linguistiches tla Talia y foradecà.

Onoranzes: Crousc de merit dl Land Tirol per si empegn a ben dla scola todescia tl Südtirol y per sies enrescides sun les isoles linguistiches.

Paul Videsott, nasciù dl 1971 a Bornech. Al á studié romanistica y scienzes politiches a Dispruch y Eichstätt. Dl 1999 ál arjont l dotorat y dl 2004 la abilitazion tl’Université de Dispruch. Al é sté assistent y dozent universitar tles universités de Trent, Minca y Salzburg; dl 2005-2006 él sté stipendiat Schrödinger tla École Nationale des Chartes a Paris; dal 2006 inant él professour de Filologia romanza/Ladinistica tl’Université Ledia de Bulsan; dl 2012 visiting professor tl zenter de enrescida Analyse et Traitement Informatique de la Langue Française (ATILF)/Université de Lorraine a Nancy; 2013 semester de enrescida tl Département des littératures de langue française, Université de Montréal, Canada. Da otober 2013 inant él diretour dl Istitut Sudtiroleis di Grups Etnics.

Setours de enrescida plu importanc: linguistica storica dl talian, franzesc y ladin; stude dles scriptae medievales; linguistica di corpus y toponomastica alpina.

Informazions plu menudes sun la homepage dla Université Ledia de Bulsan:
https://www.unibz.it/en/education/people/viewstaffpdf.customhandler?personid=24

Davide Zaffi, nasciù a Ravenna. Al à studié tla facolté de Scienzes politiches a Urbino y de Lingac foresti a Aunejia. Curs post-universitar per dozenc de storia mitteleuropea tla Central European University (Budapest). Stipendiat dl’Európa Intézet (Istitut europeich) de Budapest y dl Istitut storich italo-germanich de Trent.
Dai 1994 encà laòrel tl Departiment per les mendranzes linguistiches y l’integrazion europeica dla Region autonoma Trentin-Südtirol. Dal 1996-2002 él sté president dl grup de laour Mendranzes dl’Alpe Adria. Dal 1999 al 2012 Espert dla materia pro la catedra de Storia dl’Europa orientala dl’Université de Aunejia.
Setours de enrescida plu importanc: Storia dl’Europa zentrala y orientala, relazions interetniches, chestions de mendranzes.
Al é autour y editour de deplù publicazions sun les tematiches nominedes dant.