SVI

Soura de nos
Carateristica dl SVI
Ativité dl SVI
Publicazions
Storia dl SVI
Strutura dl SVI
Curricula
Per contaté l SVI
Impressum

Soura de nos

L Istitut Sudtiroleis di Grups Etnics / Südtiroler Volksgruppen-Institut (SVI) é na organisazion zenza fin de davagn organiseda aldò dl dert privat talian. Al é vegnù fondé tl 1960 y se dà ju souraldut con:

  1. l stude dles problematiches di doi grups etnics dl Südtirol, i todesc y i ladins dles Dolomites, y l’elaborazion de propostes concretes per sia soluzion; y
  2. da contribuì, te n spitit de solidarité, a la soluzion dles problematiches dles mendranzes etniches tradizionales dl’Europa, y chest tres ativités de enrescida, de barat de esperienzes y de cooperazion internazionala.

L SVI laora desche zenter scientifich, de enrescida y de informazion y al vuel ester n pont de contat y n forum de descuscion per les mendranzes. Al ne é lié a degun partit politich o grup de interès economich y al ne depen da deguna autra organisazion.

L SVI à atualmenter entourn 70 membri, che respidleia la gran varieté di ponc de veduda economics, soziai y culturai prejenc tl Südtirol. Al à ence membri nia sudtiroleisc che sostegn sies finalités. Dl 1996 é la Region Autonoma Trentin-Südtirol vegnuda member dl SVI; l ann do, dl 1997, ence l’Union Generela di Ladins dles Dolomites. Anter i membri dl SVI él perchel sibe persones privates che istituzions.

L SVI vegn manajé da n Consei de almanco cinch persones litedes da l’Assemblea generala per na perioda de trei agn. L Consei lita anter si membri l president/la presidenta y l vizepresident/la vizepresidenta.