L ISTITUT SUDTIROLEIS DI GRUPS ETNICS
Enrescides internazionales sun les mendranzes sun la basa dles esperienzes sudtiroleises
L Istitut Sudtiroleis di Grups Etnics / Südtiroler Volksgruppen-Institut (SVI) é na organisazion zenza fin de davagn organiseda aldò dl dert privat talian. Al é vegnù fondé tl 1960 y se dà ju souraldut con:
stude dles problematiches di doi grups etnics dl Südtirol, i todesc y i ladins dles Dolomites, y l’elaborazion de propostes concretes per sia soluzion; y
da contribuì, te n spitit de solidarité, a la soluzion dles problematiches dles mendranzes etniches tradizionales dl’Europa, y chest tres ativités de enrescida, de barat de esperienzes y de cooperazion internazionala.
L SVI laora desche zenter scientifich, de enrescida y de informazion y al vuel ester n pont de contat y n forum de descuscion per les mendranzes. Al ne é lié a degun partit politich o grup de interès economich y al ne depen da deguna autra organisazion.
ATIVITÉ DL SVI
En confront a d’autres istituzions che se dà ence ju con la tematica dles mendranzes à l SVI la carateristica da ti jì permez al argoment sun la basa dles esperienzes sudtiroleises y con n conzec de autonomia spezifich.
PUBLICAZIONS
Da canche l SVI é vegnù fondé, àl dé fora plu de 250 publicazions. Una dles plu emportantes é l ”Manual dles mendranzes tl’Europa” te trei volums, na ovra standard tl ciamp de enrescida tl setour dles mendranzes.