L 14. volum de EJM é vegnù publiché

L sfuei 3-4/2021 é n volum tematich soura i "50 agn dl Secont Statut de Autonomia dl Südtirol"

La revista EJM è vegnuda fora regolarmenter ence tl 2021, ann caraterisé da la pandemia. I doi sfueis contegn endut 16 articui, 5 contribuc de cronaca y 3 rezenscions sun endut 407 plates. L numer 3-4 é particolarmenter atual per sie focus sun i « 50 agn dl Secont Statut de Autonomia dl Südtirol ». Unesc espercs reconescius dl Südtirol y dl’Austria (Hans Heiss, Franz Complojer, Karl Zeller, Walter Obwexer, Esther Happacher, Christoph Pan, Helmuth Tichy, Thomas Benedikter, Karl Rainer, Hatto Schmid, Davide Zaffi) à tout su l envit da analisé la nasciuda, l svilup y la “europeisazion” dl Secont Statut de Autonomia. I autours respidleia la complementarité anter i ponc de veduda de studiousc y persones che tol dezijions (tla politica y tla aministrazion), carateristica chesta che è n pont de forza conesciù de EJM.